ज्ञानविकास स्पोर्ट्स फाउंडेशनला जेतेपद
दिनमान प्रतिनिधी
कल्याण ।
14 वर्षांखालील किशोर-किशोरी अजिंक्यपद निवड चाचणी खो-खो स्पर्धा राजर्षी शाहू महाराज विद्यालय रबाळे येथे नुकत्याच पार पडल्या.
या स्पर्धेमध्ये ज्ञानविकास स्पोर्ट्स फाउंडेशन या मुला – मुलींच्या दोन्ही संघांनी प्रथम विजेतेपद पटकावले. तसेच या स्पर्धेमधून ठाणे जिल्ह्यातून प्रतिनिधित्व करणारा मुला-मुलींचा संघ निवडला गेला.
मुलींच्या संघामध्ये धनश्री कंक, प्राची वांगडे, श्रुती भोसले, सिद्धी मराठे, स्वरा साळुंखे अशा पाच मुलींची ठाणे जिल्हा संघात निवड झाली आहे. धनश्री कंक ही राष्ट्रीय खेळाडू हिची ठाणे जिल्हा संघाची कर्णधार म्हणून निवड करण्यात आली.
मुलांच्या संघामध्ये तन्मय घोरपडे, साहील शिंदे, विनायक भणगे, सार्थक वांगडे, सार्थक सपकाळ अशा पाच खेळाडूंची ठाणे जिल्हा संघात निवड झाली आहे.
37 वी किशोर- किशोरी राज्य अजिंक्यपद निवड चाचणी स्पर्धा 16 ते 19 ऑक्टोबर या कालावधी रत्नागिरी येथे आयोजित करण्यात आल्या आहेत. ठाणे जिल्ह्याचा किशोर आणि किशोरी गटांचे संघ येथे प्रतिनिधित्व करणार आहेत.
ज्ञानविकास विद्यालयाचे प्रशिक्षक विनायक मनसुख, लोकेश निकाळे, ज्ञानविकास स्पोर्ट्स फाउंडेशनचे अध्यक्ष प्रसाद पाटील, सचिव चंद्रकांत पाटील, खजिनदार विद्यानंद पाटील तसेच क्रीडा शिक्षक शिक्षकेतर कर्मचारी आणि विद्यार्थी या सर्वांनी सर्व खेळाडूंचे अभिनंदन केले.
