दिनमान प्रतिनिधी
रत्नागिरी|
रत्नागिरीतील गणपतीपुळे समुद्रकिनारी आलेल्या बेबी व्हेल माशाचा अखेर मृत्यू झाला आहे. व्हेल माशाच्या पिल्लाला दोन दिवसांत जवळपास पाच वेळा वाचवण्याचे प्रयत्न करण्यात आले होते. दूर समुद्रात सोडलेला बेबी व्हेल १५ नोव्हेंबरला संध्याकाळी पुन्हा समुद्रकिनारी आला. त्यानंतर त्याचा मृत्यू झाला. दरम्यान, हा बेबी व्हेल १३ नोव्हेंबर रोजी सकाळी पहिल्यांदा निदर्शनास आला होता.
खोल समुद्रातील बेबी व्हेल भरकटला आणि रत्नागिरीतील गणपतीपुळेच्या समुद्रकिनार्‍यावर आला. ज्या पाण्यासोबत तो आला ते पाणी ओहोटीमुळे माघारी फिरलं, मात्र व्हेल माशाचं हे पिल्लू तिथेच अडकून पडलं. अवाढव्य वेबी व्हेलला पुन्हा समुद्रात लोटण्यासाठी प्रयत्न सुरु झाले. पण फक्त प्रयत्न नाहीतर प्रयत्नांची पराकाष्टा करावी लागत होती. बेबी व्हेलला अथांग समुद्रातील त्याच्या घरच्या वाटेपर्यंत सोडण्यासाठी अनेक अडथळे येत होते. माशाला समुद्रात सोडण्यासाठीचे स्थानिकांसह प्रशासनाचे प्रयत्न आणि जगण्यासाठीची माशाची धडपड तब्बल ४० तास सुरू होती. अखेर ४० तासांनंतर अखेर या प्रयत्नांना यशही आलं होतं. पण काय झालं, कुणालाच नाही कळलं आणि पुन्हा एकदा बेबी व्हेल किनार्‍यावर आला. किनार्‍यावर आला आणि अखेर त्यानं मृत्यूसमोर हात टेकत आपला जीव सोडला.
व्हेल मासा जेव्हा बांगडा किंवा तारली, माकूळ यांचा पाठलाग करत असतील तर ते किनार्‍याकडे येऊ शकतात. असा पाठलाग करत असताना ओहोटी सुरु झाली तर ते किनार्‍यावरील वाळूत अडकून पडू शकतात. त्यांच्या महाकाय शरीराचा भार ते पाण्यात असताना सहज पेलू शकतात. पण पाण्याबाहेर त्यांच्या वजनामुळेच त्यांची इंद्रिये दबली जातात. त्यांची त्वचा सुकू लागली की त्याखालील चरबीच्या थरामुळे शरीरात खूप उष्णता निर्माण होते आणि अतिउष्णतेमुळे डिहायड्रेशन होऊन ते मृत होतात. अशावेळी गणपतीपुळेच्या समुद्रकिनार्‍यावर अडकून पडलेल्या व्हेलच्या पिल्लाला महत्वाचा धोका होता. त्याच्या त्वचेखालील चरबीच्या थराचं तापमान पाण्याबाहेर प्रचंड वाढून, त्वचा सुकून जाण्याचा. यामुळे शरीराचे अंतर्गत तापमानही खूप वाढतं आणि डिहायड्रेशन होऊन माशाचा मृत होण्याचा धोका अधिक होता. पण त्याची त्वचा सतत पाणी टाकून ओली ठेवल्यानं हा धोका कमी करता आला. तसेच, पशुवैद्यकीय डॉक्टरांनी दिलेल्या प्राथमिक उपचारांचाही बेबी व्हेलला उपयोग झाला. त्यामुळेच तो एवढे दिवस किनार्‍यावर तग धरू शकला.
बेबी व्हेल जन्मापासून तीन महिने आईच्या दुधावर जगतो
साधारणपणे तीन वर्षे व्हेल माशाचं पिल्लू आईच्या दुधावर वाढतं. बेबी व्हेल जन्माला आल्यानंतर लगेच दूध पिण्यास सुरुवात करतं. बेबी व्हेलमधील पर्रीींअ‍ॅरश्र ळपीींळपलीं आणि गंध ज्ञान यामुळे, आपल्या आईला दुधाची भूक लागल्यावर कुठे स्पर्श करायचा याचं त्यांना उपजतच ज्ञान असतं. आईमध्ये असणार्‍या मॅमरी स्लिट्स खाली असणार्‍या स्तनाग्रांमधून दूध स्त्रवतं आणि पिल्लाच्या तोंडाजवळ दूध फवारलं जातं. हे पाण्यामध्ये फवारलं गेलेलं दूध पिल्लू पितं, अशी माहिती तज्ज्ञांनी अइझ माझाला दिली आहे.
