गौतम अदानी चौथ्या स्थानी

अ‍ॅमेझॉनचे संस्थापक जेफ बेजोस यांच्या संपत्तीमध्ये वाढ झाली आहे. वॉल स्ट्रीट म्हणजेच अमेरिकी शेअर बाजाराने उसळी खाल्ल्याने बेजोस हे जगातील दुसरे सर्वात श्रीमंत व्यक्ती झाले आहे. ‘फोर्ब्स’च्या ‘रियल-टाइम बिलेनियर्स इंडेक्स’नुसार बेजोस यांनी लुईस वेटनर्सचे बरनार्ड अरनॉल्ड आणि भारतीय उद्योजक गौतम अदानी यांना मागे टाकलं आहे. 16 सप्टेंबरपासून बेजोस या यादीत चौथ्या स्थानी होते. त्यांच्या संपत्तीमध्ये आज 3.6 बिलियन अमेरिकी डॉलर्सची वाढ झाली. त्यांची एकूण संपत्ती 141.4 बिलियन अमेरिकी डॉलर्स झाली आहे. अमेरिकी शेअर बाजारात विक्री मोठ्या प्रमाणात होत असल्याने अनेक अमेरिकी श्रीमंत व्यक्तींना फटका बसला. अमेरिकन केंद्रीय वित्तीय संस्था फेडर रिझर्व्हकडून महागाईच्या पार्श्वभूमीवर काही कठोर निर्णय घेतले जाण्याची शक्यता असल्याच्या चर्चेमुळे गुंतवणूकदार बाजारातून पैसा काढून घेत आहेत. सहा दिवसांपासून अमेरिकी शेअर बाजारात पडझड होत आहे. ही पडझड झाल्याने त्याचा फटका श्रीमंत व्यक्तींना बसला आहे. त्यामुळेच आता बेजोस आणि श्रीमंकांच्या यादीत तिसर्‍या स्थानी असणार्‍या बरनार्ड यांच्यामध्ये केवळ 1.4 बिलियन अमेरिकी डॉलर्सचा फरक आहे. बरनार्ड यांची एकूण संपत्ती 140.4 बिलियन अमेरिकी डॉलर आहे. फोर्ब्सच्या यादीनुसार अदानी श्रीमंतांच्या यादीत चौथ्या स्थानी घसरले आहेत.