दिनमान प्रतिनिधी
ठाणे ।
ठाण्याच्या माजी महापौर शारदा राऊत यांचे दर्घ आजाराने गुरुवारी निधन झाले. त्याच्या पश्चात दोन मुले, सुना, नातवंडे असा परिवार आहे. गेल्या अनेक वर्षांपासून किडनीच्या त्या आजाराने त्रस्त होत्या. याआधीदेखील त्या आजाराशी झुंज देत होत्या.
गुरुवारी ठाण्यातील खासगी रुग्णालयात उपचार सुरू असताना शारदा राऊत यांची प्राणज्योत मालवली. ठाणे महापालिकेत 2002 ते 2005 रोजी त्यांनी ठाण्याचे महापोरपद भूषविले होते. त्या वेळी त्यांनी अनेक कठोर निर्णय घेतले होते. तसेच ठाणे शहराच्या महत्त्वाच्या आणि विकासाच्या बाबतीत त्यांचे मोठे योगदान राहिले आहे. मेंटल रुग्णालय, परबवाडी विभागातून त्या प्रतिनिधित्व करीत होत्या.
