दिनमान प्रतिनिधी
ठाणे।
घोडबंदर परिसरात दिवसेंदिवस वाहतूककोंडीचा प्रश्न उद्भवत आहे. या वाहतूककोंडीने घोडबंदर रोडला विळखा घातला आहे. या वाहतूककोंडीतून मार्ग काढण्यासाठी सायकलिंग हा उत्तम पर्याय आहे याविषयी जनजागृती करण्यासाठी घोडबंदर सायकलिस्ट क्लबने 160 किलोमीटर अंतराची सायकल राईड आयोजित केली होती यात तब्बल 65 सायकलिस्टने सहभाग घेतला होता.
रविवारी सकाळी 5 वाजता माजिवडा येथून या सायकल राईडला सुरुवात झाली. अतिरिक्त पोलिस आयुक्त दत्तात्रय शिंदे यांच्या हस्ते झेंडा दाखवण्यात आला. जीआरएम 160 असे या राईडचे नाव होते. ग्रुपचे गोपाल साबे पाटील, अजिंक्य कुंकोळकर, प्रतीक सावंत, रैना भटनागर, काके यांच्या संकलपनेतून या राईडचे आयोजन करण्यात आले होते.
ठाणे, डोंबिवली, कल्याण, मुंबई, शहरांतील 65 सायकल रायडर्स सहभागी झाले होते. जवळच्या अंतरावर जाण्यासाठी सायकलिंगकचा वापर असा संदेश देखील या वेळी देण्यात आला.
ही राईड माजिवडा घाटकोपर – वाशी – उरण फाटा – पनवेल – खोपोली यामार्गे जाऊन पुन्हा बेलापूरवरून ठाणे येथे संपन्न झाली. डीकॅथलोन येथे सर्व रायडर्सचा मेडल आणि प्रमाणपत्र देऊन सत्कार करण्यात आला. या राईडमध्ये 68 महेश गुणे तसेच पाच महिला सहभागी झाल्या होत्या. काही जण पहिल्यांदाच लाँग राईडमध्ये सहभागी झाले होते. या राईडमध्ये सहभागी होऊन आत्मविश्वास वाढल्याचे त्यांनी सांगितले.
