दिनमान प्रतिनिधी
मुंबई|
आशियातील सर्वात मोठा फिटनेस फेस्टिवल – इंटरनॅशनल हेल्थ, स्पोर्ट्स अँड फिटनेस फेस्टिवल २०२३ मध्ये मुंबईत १७ ते १९ नोव्हेंबर दरम्यान भारतातील फिटनेस उद्योगक्षेत्रातील दिग्गज एकत्र आले होते. भारतातील आघाडीचा स्पोर्ट्स आणि वेलनेस न्यूट्रिशन ब्रँड स्टेडफास्ट न्यूट्रिशनने प्रायोजित केलेले प्रतिष्ठित स्टेडफास्ट न्यूट्रिशन भारत प्रो शो आणि अमॅच्युअर ऑलिम्पिया या फेस्टिवलचे प्रमुख आकर्षण ठरले.
भारतामध्ये खेळांशी संबंधित वर्षभरातील प्रमुख कार्यक्रमांमध्ये स्टेडफास्ट न्यूट्रिशन प्रो शोचा समावेश आहे.
या शोच्या विजेत्यांना जगातील सर्वोच्च बॉडीबिल्डिंग टूर्नामेंट मि. ऑलिम्पियामध्ये थेट प्रवेश मिळतो (अरनॉल्ड स्चवार्झेनेगजर, फिल हेल्थ आणि डेक्स्टर जॅक्सन हे याचे माजी विजेते आहेत). भारत आणि परदेशातील ऍथलिट्स व बॉडीबिल्डर्स या चॅम्पियनशिपसाठी उत्सुक असतात.
महत्त्वाकांक्षी बॉडीबिल्डर्ससाठी अमॅच्युअर ऑलिम्पिया ही देशातील सर्वात मोठी चॅम्पियनशिप आहे, या टुर्नामेंट्समध्ये ६०० ऍथलिट्स सहभागी होतील अशी अपेक्षा आहे.
२०२२ मध्ये स्टेडफास्ट न्यूट्रिशन हा पहिला असा ब्रँड ठरला ज्यांनी भारतात प्रो शो प्रायोजित केला. देशात बॉडीबिल्डिंग खेळासाठी हा खूप महत्त्वाचा टप्पा होता.
चॅम्पियनशिपबद्दल स्टेडफास्ट न्यूट्रिशनचे संस्थापक अमन पुरी यांनी सांगितले, प्रो शोला सलग तिसर्‍यांदा आणि अमॅच्युअर ऑलिम्पियाला चौथ्या वर्षी प्रायोजित करताना स्टेडफास्ट न्यूट्रिशन बॉडीबिल्डिंग खेळाला प्रोत्साहन देण्याच्या व याला मुख्य प्रवाहातील एक खेळ बनवण्याच्या प्रयत्नात आणखी एक पुढचे पाऊल उचलत आहे.
२०५० शाळांपर्यंत भारताला जगाची खेळांची राजधानी बनवण्याच्या आमच्या उद्दिष्टाला अनुसरून आम्ही हे करत आहोत. उदयोन्मुख प्रतिभांना जागतिक स्थान व संधी मिळवून देण्यात, जगातील सर्वात प्रतिष्ठित बॉडीबिल्डिंग टूर्नामेंटमध्ये भाग घेण्याची संधी देण्यात आम्ही यशस्वी झालो आहोत.
भारतात बॉडीबिल्डिंग खेळाची लोकप्रियता वाढत आहे पण अद्यापही त्याला पुरेसे फंडिंग व लक्ष मिळत नाही, या खेळात युवकांना सक्षम बनवण्याची प्रचंड क्षमता भारतामध्ये असल्याचे आम्ही दाखवून दिले आहे.
