दिनमान प्रतिनिधी
नवी मुंबई |
पनवेल शहरातील बारावीत शिकणार्या एका १७ वर्षीय विद्यार्थ्याने २० फेब्रुवारी रोजी सायंकाळी अभ्यासाला कंटाळून आत्महत्या केली. यामुळे हळहळ व्यक्त होत आहे. पनवेल शहरातील देवदर्शन सोसायटीत राहणारा हा विद्यार्थी बाहेरून बारावीला बसला होता. २० फेब्रुवारी रोजी त्याने राहत्या घरात फॅनला साडीच्या मदतीने गळफास घेऊन आत्महत्या केली. त्याचे आईवडील बाहेर गेले होते. ते घरी आल्यावर त्यांना दरवाजा बंद दिसला. त्यांनी लॅचच्या साहाय्याने दरवाजा उघडला असता मुलाचा मृतदेह फॅनला लटकलेल्या अवस्थेत दिसला.
